🌟 Татарстанда Корбан бәйрәмен билгеләп үттеләр
Гает намазы иртән республиканың барлык мәчетләрендә узды.

🍯 Менделеевск районы кешеләре Россиядәге иң зур бавырсакны пешерде
Рекордны Казан Сабан туенда куйдылар. Ризыкның авырлыгы 1634,6 кг тәшкил итә. Россиядә аңа кадәрге иң зур бавырсак 231 кг авырлыкта булган.

🏥 Илкүләм проект кысаларында Татарстан районнарында фельдшер-акушерлык пунктларын ремонтлыйлар
Бу атнада Буа районының ике ФАПында ремонт эшләре тәмамланды, элегрәк Түбән Кама шәһәрендәге объектлар ремонтланган иде.

🎉 Казан дары заводы 235 еллык юбилеен билгеләп үтте
Предприятие илдәге иң борынгы предприятиеләрнең берсе. Хәзер биредә 2,5 меңнән артык кеше эшли.

🚗🏕 Яшел Үзән районында сәяхәтчеләр өчен автокемпинг ачылды
Биредә 10 йорт, ремонт остаханәсе, автойортларны ел әйләнәсе саклау өчен ангар, волейбол мәйданчыгы, урам кинотеатры, электромобиль арендалау мөмкинлеге бар.

✅ Тәтеш районында 1 июльдә «Валда шинясь» мордва мәдәнияте бәйрәме узачак
Кильдюшево авылының үзәк мәйданында зур ярминкә узачак. Кунакларны сәгать 9.00га көтәләр.