🌟 Татарстанда «Ел табибы - Ак чәчәкләр» республика премиясенә йомгак ясадылар
Җиңүчеләрне 6 номинациядә билгеләделәр. Алар - Казан, Чаллы һәм Яшел Үзән белгечләре.

📆 Питрәч районы Альвидино авылында «Әлбәдән» тарихи реконструкция фестивале узачак
Чара 24 һәм 25 июньгә планлаштырылган. Кунакларны өч тарихи реконструкция, мастер-класслар, концерт программасы һәм башка чаралар көтә.

🎓 Республиканың 156 чыгарылыш сыйныф укучысы 100 баллга БДИ тапшырды
Иң күп баллны рус теле, әдәбият һәм химия фәннәре буенча җыйдылар. БДИның төп чоры 1 июльдә тәмамланачак.

👏 Казан гаиләсе «Ата-ана даны» ордены медаленә лаек булды
Бүләкне Илдар һәм Гөлнур Рафиковлар Россия Президенты Владимир Путин указы нигезендә 4 һәм аннан да күбрәк бала тәрбияләү һәм гаилә институтын ныгыту өчен алдылар.

🏆 Татарстан спортчысы Сергей Демин - стендка ату буенча Россия чемпионы
Ярышлар Мәскәү өлкәсендә узды. Анда 18 төбәктән 190 спортчы катнашты.

#Городскаяполиклиника18