🌟 Мамадыш районында яшәүче Ирек Мәгъсүмов Россия Герое булды
Аңа бүләкне Владимир Путин шәхсән үзе тапшырды. 34 яшьлек подполковник беренче көннән үк махсус хәрби операциядә катнаша, бу вакыт эчендә ул хәрби бурычларны үтәгәндә батырлык һәм каһарманлык күрсәткән.

🏥 Түбән Камада табиблар 88 яшьлек хатынны коткарган
Пациентта шеш табылган. Хатын-кызны хастаханәдән чыгарганнар, ул амбулатор күзәтү астында.

🛣 Татарстанда Балтач - Шәмәрдән трассасы участогын яңарттылар
Белгечләр «Имин сыйфатлы юллар» милли проекты кысаларында 2,3 км озынлыктагы объектны ремонтладылар.

🏆 Казан командасы - чирәмдәге хоккей буенча иң яхшысы булды
Казанның «Динамо» спорт мәктәбендә шөгыльләнүчеләр 12-14 яшьлек яшүсмерләр арасында чирәмдә хоккей буенча Россия беренчелеге чемпионы булды.

🎉 Татарстан халкын мәдәни чараларга чакыралар
5 августта Әлмәттә «KARAKUZ» этно-модерн фестиваленең йомгаклау көне узачак. 4-6 августта Алабугада Бөтенроссия Спас ярминкәсе, ә 6 августта Чистайда «Рок-берега» фестивале оештырыла.